śrī bhadralakṣmī stavam

October 15, 2025 Wednesday

śrīdēvī prathamaṁ nāma dvitīyamamr̥tōdbhavā |
tr̥tīyaṁ kamalā prōktā caturthaṁ lōkasundarī || 1 ||

pañcamaṁ viṣṇupatnī ca ṣaṣṭhaṁ syāt vaiṣṇavī tathā |
saptamaṁ tu varārōhā aṣṭamaṁ harivallabhā || 2 ||

navamaṁ śārṅgiṇī prōktā daśamaṁ dēvadēvikā |
ēkādaśaṁ tu lakṣmīḥ syāt dvādaśaṁ śrīharipriyā || 3 ||

śrīḥ padmā kamalā mukundamahiṣī lakṣmīstrilōkēśvarī |
mā kṣīrābdhisutā viriñcijananī vidyā sarōjāsanā || 4 ||

sarvābhīṣṭaphalapradēti satataṁ nāmāni yē dvādaśā |
prātaḥ śuddhatarāḥ paṭhanti satataṁ sarvān labhantē śubhān || 5 ||

bhadralakṣmī stavaṁ nityaṁ puṇyamētacchubhāvaham |
kālē snātvāpi kāvēryāṁ japa śrīvr̥kṣasannidhau || 6 ||

iti śrī bhadralakṣmī stavam ||