śrī śambhudēva prārthanā

October 13, 2025 Monday

jaya phālanayana śritalōlanayana sitaśailanayana śarvā |
jaya kālakāla jaya mr̥tyumr̥tyu jaya dēvadēva śambhō || 1 ||

jaya candramauli namadindramauli maṇisāndrahēli caraṇā |
jaya yōgamārga jitarāgadurga muniyāgabhāga bhargā || 2 ||

jaya svargavāsi mativargabhāsi pratisargasarga kalpā |
jaya bandhujīva sumabandhujīva samasāndhya rāga jūṭā || 3 ||

jaya caṇḍacaṇḍatara tāṇḍavōgrabhara kampamāna bhuvanā |
jaya hāra hīra ghanasāra sāratara śāradābhrarūpā || 4 ||

jaya śr̥ṅgi śr̥ṅgi śruti bhr̥ṅgi bhr̥ṅgi bhr̥ti nandi nandi vinutī |
jaya kālakaṇṭha kalakaṇṭhakaṇṭha surasundarīstuta śrī || 5 ||

jaya bhāvajāta samabhāvajāta sukalājita priyāhrī |
jaya dagdhabhāva bhava snigdhabhāva bhava mugdhabhāva bhavanā || 6 ||

jaya ruṇḍamāli jaya rūkṣavīkṣa rucirundrarūpa rudrā |
jaya nāsikāgra nayanōgra dr̥ṣṭi janitāgni bhugna vibhavā || 7 ||

jaya ghōra ghōrataratāpajāpa tapa ugrarūpa vijitā |
jaya kāntimāli jaya krāntikēli jaya śāntiśāli śūlī || 8 ||

jaya sūryacandraśikhi sūcanāgra nayalōcanāgra ugrā |
jaya brahma viṣṇu puruhūta mukhya surasannutāṅghri yugmā || 9 ||

jaya phālanētra jaya candraśīrṣa jaya nāgabhūṣa śūlī |
jaya kālakāla jaya mr̥tyumr̥tyu jaya dēvadēva śambhō || 10 ||