śrī viṭhṭhala stōtram

October 17, 2025 Friday

śrīmadvallabhasāgarasamuditakundaughajīvadō naraḥ |
viśvasamuddhr̥tadīnō jagati śrīviṭhṭhalō jayati || 1 ||

māyāvādaḥ kulanāśanakaraṇē prasiddhadinanāthaḥ |
aparaḥkr̥ṣṇāvatārō jagati śrīviṭhṭhalō jayati || 2 ||

śrīmadgiridharapadayugasēvanapariniṣṭhahr̥tsarōjaśca |
vaṁśasthāpitamahimā jagati śrīviṭhṭhalō jayati || 3 ||

śrīmadgōkulahimarucirucikaralabdhaikasaccakōrapadaḥ |
parilasadadbhutacaritō jagati śrīviṭhṭhalō jayati || 4 ||

śāradacandrasamānaḥśiśirīkr̥tadagdhasakalalōkaḥ |
vidyājitasuravandyō jagati śrīviṭhṭhalō jayati || 5 ||

gōvardhanadharamilanatyāgavidhānē:’tikātaraḥ subhagaḥ |
prakaṭitapuṣṭijabhaktirjagati śrīviṭhṭhalō jayati || 6 ||

yajñavidhāyakacētāḥ sakalapratipakṣasindhuvaḍavāgniḥ |
kuṇḍalaśōbhitagallō jagati śrīviṭhṭhalō jayati || 7 ||

pālitabhaktasamājō vrajabhuvi viśadīkr̥taikanavaratnaḥ |
vāsitagōkulanagarō jagati śrīviṭhṭhalō jayati || 8 ||

nityaṁ stōtravaraṁ tadbhaktiniyuktaḥ paṭhan svakīyāṣṭakam |
paramapadaṁ labhatē sa ca yaḥ kila niṣṭhō:’pi viṭhṭhalasyēdam || 9 ||

iti śrīmaddēvakīnandanātmajaśrīraghunāthajīkr̥taṁ śrī viṭhṭhala stōtram |