śrī gōpāla stavaḥ (daśāvatāra stavaḥ)

October 17, 2025 Friday

yēna mīnasvarūpēṇa vēdāḥ saṁrakṣitāḥ purā |
sa ēva vēdasaṁhartā gōpālaḥ śaraṇaṁ mama || 1 ||

pr̥ṣṭhē yaḥ kūrmarūpēṇa dadhāra dharaṇītalam |
sa ēva sr̥ṣṭisaṁhartā gōpālaḥ śaraṇaṁ mama || 2 ||

varāharūpaḥ sambhūtvā daṁṣṭāgrē yō mahīṁ dadhau |
sa bhūmibhāraharaṇō gōpālaḥ śaraṇaṁ mama || 3 ||

jagrāha yō nr̥siṁhasya rūpaṁ prahlādahētavē |
sa yōddhumudyataḥ samyaggōpālaḥ śaraṇaṁ mama || 4 ||

yēna vāmanarūpēṇa vañcitō balibhūmipaḥ |
sa ēva gōpanārībhirgōpālaḥ śaraṇaṁ mama || 5 ||

yēnēyaṁ jāmadagnyēna pr̥thvī niḥkṣattriyā kr̥tā |
sa ēva kṣattriyahitō gōpālaḥ śaraṇaṁ mama || 6 ||

daśāsyō dāśarathinā yēna rāmēṇa māritaḥ |
sa pañcāsyaprāptabalō gōpālaḥ śaraṇaṁ mama || 7 ||

kālindī karṣitā yēna rāmarūpēṇa kautukāt |
tajjalakrīḍanāsaktō gōpālaḥ śaraṇaṁ mama || 8 ||

yēna bauddhasvarūpēṇa lōkāḥ pākhaṇḍamārgagāḥ |
sa ēva pākhaṇḍaharō gōpālaḥ śaraṇaṁ mama || 9 ||

gamiṣyanti kṣayaṁ yēna rākṣasāḥ kalkirūpiṇā |
sa rākṣasaṁ gatērdātā gōpālaḥ śaraṇaṁ mama || 10 ||

gōvardhanō giriryēna sthāpitaḥ kañjavatkarē |
ulūkhalēna sahitō gōpālaḥ śaraṇaṁ mama || 11 ||

ēkādaśasvīyadhāmnāmāvaliṁ yō likhēddhr̥di |
kr̥ṣṇaprasādayuktaśca sa yāti paramāṁ gatim || 12 ||

iti śrīraghunāthācārya viracitaṁ śrī gōpāla stavaḥ ||